ALL RIGHTS TO MAS CONSULTING - EMACEDONIA 2015

АРХИВА - ЈУЛИ  2016

   објавено

28.07.2016

 

Што да јадите после тренинг?

 

Колку побрзо после завршувањето на тренингот, го обезбедите она што му е потребно на телото, толку побрзо тоа ке се опорави. Секој тренинг (секоја вежба) ги осиромашува гликогенските залихи (горивото кое е складирано во мускулите) и истовремено го намалува мускулното ткиво. Целта е да се обноват гликогенските залихи и да се поправат оштетените мускулни влакна што е можно побрзо. Всушност во периодот после тренинг, телото станува посилно и поспремно да одговори на предизвиците кои следат. Доколку се чека предолго, во тој случај ќе се почувствува слабост, меѓутоа доколку навремено се обезбеди се што е потребно, опоравувањето ќе биде брзо и ефикасно...

 

Препораки за оброк во првите 2 часа после тренинг

  • Неколку парчиња свежо овошје и чаша млеко – овошјето е одлична храна со низок GI, витамин С и антиоксиданти. Тоа е лесно за јадење во движење, значи дека можат да бидат достапни во текот на целиот ден.
  • 1-2 јогурти – овошните јогурти содржат речиси идеален сооднос на јагленохидрати и протеини (12:4 на 100 мл.) корисен за брзо опоравување после тренинг.
  • Миксирано овошје во блендер – тука има можност за креирање на свој сопствен вкус и боја на оброкот, меѓутоа во главно се користат банани, јагоди, праски, манго и ананас кои во суштина даваат најдобри резултати. Препорачливо е додавање на јогурт или млеко заради постигнување на потребниот сооднос на јагленохидрати и протеини, а ваквата комбинација ги обезбедува и потребните антиоксиданти.
  • Пробиотички јогурт – одличен за подобрување на имунитетот, како  обезбедување на потребните протеини (3 г.), јагленохидрати (12 г.) и Ca.
  • Чоколадно млеко – според една студија објавена во International Journal of Sport Nutrition and Exercise Metabolism (2006), чоколадното млеко е претставено како идеален спортски напиток. Оваа студија покажа дека чоколадното млеко ја подобрува издржливоста многу повеќе од конвенционалните јагленохидрати заради тоа што содржи идеална комбинација на јаглено хидрати и протеини во однос 14:4 г. на 100 мл., и помага во обезбедувањето на потребното гориво за заморените мускули.
  • Туна сендвич – всушност секаков вид на ниско масна протеинска храна.
  • Грст сушено овошје и ореви и сл. Сушеното овошје не само што обезбедува јагленохидрати туку и витамини, минерали, антиоксиданти и влакна. И ако во оревите, лешниците, кикиритките и сл. има масти, сепак се работи за несатурирени масти.
  • Житарици (корнфлекс) со млеко. Ова е лесен појадок после ран утрински тренинг.
  • Оброк од суплементи (протеини/јагленохидрати)...

​                                                                                                        ...ПОВЕЌЕ...

                                                                  „Основни принципи на исхрана и правилна исхрана на спортисти''

                                                                             Николче Костовски & Др.сци. Ненад Златановиќ

НАЗАД ...                                                                                                   

 

 

  објавено

25.07.2016

 

Полови импликации при тренирањето на женски тимови

 

… „Дали тренерите (мажи), треба да ги тренираат ракометарките различно од машките, заради споменатите разлики, односно заради тоа што се жени?“...
… „Ова не смее и не може да биде претворено во прашање на машки наспроти женски тренери“…
... „Тренерите најпрво и најмногу треба да ги тренираат и насочуваат спортистите, а не половите, во насока на вештини, знаење на играта, ментални способности, физичка подготвеност и т.н.“...

 

Со зголемувањето на бројот на спортисти, паралелно расте и побарувањето за тренери. Сите истражувања покажуваат дека во моментот има повеќе тренери мажи во однос на помалиот број на тренери жени. Без разлика на тоа од кој пол е тренерот, тој или таа мора да ги препознаат специфичните потреби на спортистите кои ги тренираат и да развијат разбирање за уникатната перспектива на ракометарките кои ги тренираат.

 

Дали половите се различни?

Мажите и жените се креирани еднакво во однос на одговорот на телото на зададени вежби. Но обемот на одговорот на телото се разликува кај мажите и жените.

 

Физички атрибути

Кардиоваскуларен систем

Жените имаат за 30% пониска концентрација на хемоглобин во однос на мажите, кој во суштина е основниот пренесувач на кислород во телото.

Женскиот кардиоваскуларен систем е за 30% послаб во однос на машкиот.

Со појавата на менструалните циклуси, 25% од ракометарките манифестираат недостаток на железо.

Потесните крвни садови кај жените ја успоруваат циркулацијата на крвта во телото. Ова резултира со појава на чувство на студ кај жените. Дополнително, за време на менструалниот циклус честа е појавата на флуктуирање на температурата кај жените.

 

Мускули и масти

Растот на мускулите во главно е регулиран од тестостеронот, кој е за 10 пати во повисока концентрација кај мажите во однос на жените. Или попластично прикажано, жените имаат за 20% помала мускулна маса во однос на мажите.

Поширокиот раменски појас кај мажите во однос на жените е исто така резултат на повисоката концентрација на тестостерон.

Естрогенот кај жените придонесува кон оформување на пошироки колкови и полесно и побрзо создавање на масно ткиво. Заради тоа, жените имаат во просек 20 – 25 % масно ткиво кое е повеќе во однос на просекот на масно ткиво во телото кај мажите кое изнесува 15-20%. Масното ткиво кај жените во главно е застапено околу колковите и градите. Овие делови од телото задржуваат топлина, па во останатите делови од телото се чувствува пониска температура.

 

Коски

Жените имаат помали коски со помала густина во однос на мажите. Заради хормоналниот статус кај нив коските порано завршуваат со раст и развој.

 

Потење

При физичка активност мажите продуцираат повеќе пот и порано започнуваат со потење. Ова претставува предност за мажите во топла и сува средина. Од друга страна пак можноста за дехидратација претставува потенцијален проблем.

 

Перформанс

Споредбата само на физичките атрибути помеѓу мажите и жените индицира дека мажите имаат предност во однос на жените заради поголемата мукулна маса, кардиоваскуларниот и аеробниот капацитет. Овие карактеристики овозможуваат поголема сила, енергичност и брзина кај мажите во однос на просечните женски способности.  Жените пак се супериорни кога е во прашање флексибилноста. Некогаш се сметаше дека женскиот перформанс не е можно да биде на исто ниво како оној на мажите, но современите испитувања покажуваат дека правилно тренираните жени можат да се приближат до аеробниот капацитет на тренираните мажи. Поголемата мускулна маса која што ја поседуваат мажите, овозможува поголема сила и енергичност. Сепак треба да се има во предвид дека пред пубертетот, машките и женските се изедначени.

 

Психолошки разлики

Најверојатно, пред пубертетот, машките и женските спортуваат заради исти причини. Тие всушност се забавуваат. Тие имаат потреба да припаѓаат на група, да се натпреваруваат и да совладуваат соодветни спортски вештини. Сепак дури и во предшколската возраст постојат разлики во интеракцијата кај машките и кај женските. Испитувањата покажале дека женската интеракција се базира на соработка и помагање, додека пак интеракцијата кај машките се базира на компетитивност, индивидуалност и егоцентричност при совладувањето на основните моторички вештини. Уште поважно е тоа што и машките и женските настојуваат да го задржат својот стил на интеракција и при комуникацијата со спротивниот пол. Овие разлики стануваат уште поочигледни со појавата на пубертетот и процесот на созревање.

Ваквите разлики во интеракцијата и односот спрема другите мора да бидат земени во предвид од тренерите при работата со соодветната полова структура на спортисти.

 

Самодоверба

Едно од позначајните истражувања во оваа област покажало дека 60% од девојчињата во основните училишта се задоволни од својот изглед.

Само 29% од средношколките се чувствуваат задоволни од својот изглед. Дополнителните испитувања покажале дека во суштина момчињата се чувствуваат во многу повисок процент задоволни од себе, во однос на девојчињата.

Всушност девојките посветуваат многу поголемо внимание на она што другите мислат за нив во однос на момчињата ...

 

-Вредности...

-Мотивација...

-Половите и блиските лични односи:

 импликации при тренирањето на женски тимови...

-Завршни размисли...

 

...вкупно 7 страни...                                                                                                  ...ПОВЕЌЕ...

                                                                                                                 „Спортска Академија Феникс АМС“ 

 

НАЗАД...                                                                                             

                                                                                                                         

 

   објавено

11.07.2016

Спортски суплементи

 

Постоењето на голем број на различни суплементи, сите нашироко промовирани како корисни за непреченото функционирање на организмот и како подобрувачи на перформансот, претставува проблем при изборот на навистина потребниот суплемент. Но и покрај големиот број на рекламни спотови и публикации во кои има тврдења на голем број на спортисти за бенефитите кои тие ги почувствувале од користењето на некој суплемент, сепак за најголемиот број од нив не постои никаква научно издржана поткрепа на изнесените тврдења.

 

Неколку воведни совети:

 

Не треба да се верува во ветувањето за драматично добри резултати од користењето на суплементите. Доколку тврдењата изгледаат премногу добри за да бидат вистинити, тогаш тие најверојатно и се премногу добри за да бидат вистинити.
Треба да се внимава на рекламирањето кое користи премногу технички жаргон или непотребни графикони. Доколку информациите не се јасни и не се поткрепени со факти, во никој случај не би требало да се користат таквите суплементи.
Внимателно треба да се разгледа користењето на суплементи кои се пропратени во прв ред со фотографии ,,пред“ и ,,по тоа“, а не со научно издржани докази.
Пред користењето на кој и да е суплемент треба да се побараат научни докази и студии кои ќе ги потврдат рекламните тврдења за суплементите. Доколку тоа е недостапно, тогаш користењето на таквите суплементи е ризично и целосно непотребно.
Доколку постојат испитувања кои се однесуваат на карактеристиките на суплементите кои се спроведени само од производителот, во тој случај се работи само за ефтин маркетинг трик. Вистинските научни испитувања ги прават научни институции во рамките на Универзитет, а се објавувани во реномирани научни списанија.
Не треба да се верува на тврдењата за ефикасноста на суплементот изнесени само преку збор. Мора да постојат и пишувани научно издржани докази за изнесените тврдења. Препорачливо е пред користењето на каков и да е суплемент да се консултира експерт.

 

            Дали суплементите се сигурни?

            Проблем е тоа што суплементите кои се додатоци во исхраната, се третирани како храна и заради тоа обично не се подложени на тестови за сигурност. За разлика од медикаментите, не постои систематизација на суплементите и хербалните лекови, така да не постои гаранција дека тие ги исполнуваат изнесените тврдења. Бројни тестирања потврдиле дека некои од суплементите не ги содржат ниту составните компоненти кои се наведени на паковањето, други може да се контаминирани и со забранети стимулативни супстанции. Испитувањето од Интернационалниот Олимписки Комитет спроведено во 2001 година покажало дека 15% од испитаните суплементи содржеле забранети стимулативни супстанции, вклучително и стероиди. Заради ова и други испитувања кои дошле до слични резултати, поголем број на спортски асоцијации, на пример Британската Олимписка Асоцијација, издадоа препораки до нивните спортисти против користењето на суплементи.

 

            Што најмногу се користи?

            Според испитувања спроведени на повеќе универзитети во USA, најпопуларни суплементи се мултивитамините. Следни на листата се јагленохидратните/енергетски суплементи, потоа следат протеинските суплементи, па креатинот и кафеинот. efedrin, androstenedione, glutamin и HMB се исто така популарни кај спортистите на кои им е особено потребна сила...

 

Прочитајте повеќе во „Основни принципи на исхрана и правилна исхрана на спортисти“

Антиоксидантски суплементи...

Cоffein...

Creatin...

Conjugated Linoleic Acid (CLA) – Коњугирана Линоленска Киселина...

Енергетски ,,Плочки“...

Енергетски гелови...

Согорувачи на масти (диетални препарати-апчиња за слабеење)...

Средства за слабеење – без efedrin...

Glucozamin...

Glutamin...

HMB (beta-hydroxy beta-metil butirat)...

Шејкови кои заменуваат оброк...

Мултивитамински и минерални суплементи...

Строидни прекурзори...

Протеински суплементи...

Спортски напитоци...

 

                                                           „Основни принципи на исхрана и правилна исхрана на спортисти

                                                         Николче Костовски & Ненад Златановиќ

НАЗАД...

 

  објавено

04.07.2016

Тактичка подготовка на напад

 

Каде е проблемот?

Теоријата на ракометната тактика вели дека нападот се состои од две фази: подготовка и завршна фаза.

Подготвителната фаза ги опфаќа движењата на ракометарите/ките против одреден систем на одбрана, а завршната фаза ги претставува сите дејствија кои ќе овозможат да напаѓачот се позиционира во позиција за шут.

Дали подготвителната фаза е најважна во офанзивниот сегмент на ракометот?, Зошто?                 

Заради тоа што подготовката на нападот ја отсликува офанзивната филозофија на тимот, овој сегмент ги отсликува главните офанзивни карактеристики на тимот или уште поважно, овој сегмент го илустрира нивото на тактичка подготвеност на тимот.

Во подготовката на нападот учествуваат сите играчи, без разлика дали тие ќе ја допрат топката или не. Тука секој играч мора да ја знае својата позиција и улога во нападот, тука секој мора да ја знае траекторијата на своето движење во однос на конкретниот систем на одбрана, како и соработката која мора да ја оствети со останатите соиграчи во зависност од настанатата ситуација во дадениот момент. Во завршната фаза која ќе биде имплементирана од страна на тимот (со или без шут на голот), обично учествуваат 2-3-4 играчи. Доколку нема добра подготовка на нападот, нема да биде воопшто важно колку е добар самиот напад, посакуваниот резултат нема да биде постигнат.                                                 

Еве и зошто:

Конкретен напад може да биде многу успешен. Но, дали можеме да бидеме сигурни дека истиот напад може да биде успешно повторен неколку пати за време на натпреварот?  Ако одреден напад бил користен во текот на претходниот натпревар, сигурно е дека противникот подготвил соодветен одговор за него. Значи, за очекување е дека конкретниот напад ќе може да биде искористен најмногу 2-3 пати во текот на натпреварот.
Ако секој напад трае неколку секунди (3-5-7), ако нападот се состои од само една дефинирана акција, без никаква подготовка, дали може да очекуваме дека ќе може да биде надмудрена добрата одбрана на противникот?
Доколку нема соодветна подготовка на нападот, пред секој шут на гол играчите ќе мора да одиграат неколку пасивни додавања кои ќе мора да завршат со шут од неповолна позиција, а не од подготвена и точно преддефинирана позиција која би требало да овозможи оптимални услови за постигнување на гол.
Доколку нема соодветна подготовка секој напад ќе биде краток, а краток напад не е и добар напад. Секој тим знае да одигра краток напад. Добрите тимови заради тоа што се едностано подобри, а послабите заради тоа што незнаат како да одиграат подобро, или поорганизирано (подолго) и поквалитетно.
Доколку нападот се сведе само на пасивни додавања, без смислена подготовка, истиот ќе биде окарактеризиран од страна на судиите како пасивен. Иако нападот нема да биде долг, тој ќе биде неактивен и без инспирација.

Значи, кога се зборува за принципите на офанзивниот сегмент на ракометот, за можностите и движењата кои можеме да ги користиме против различни системи на одбрана, неможе да биде анализиран само завршниот сегмент на нападот.

Добрата подготовка на тимот, на играчите, во однос на офанзивниот сегмент на ракометот, мора да ја содржи подготвителната фаза на нападот.

Во оследните години, напаѓачките системи се значително променети, а причината е многу едноставна. Во последниот период, фокусот на ракометната игра беше насочен кон развој на одбраната, беа развиени многу дефанзивни системи и различни варијанти од истите. Заради тоа офанзивниот сегмент на ракометот мораше да се промени и развие во систем кој ќе може соодветно да одговори на дефанзивниот предизвик. Сосема е јасно дека со исти акции, нема можност да биде надигран новиот современ дефанзивен систем.

Офанзивниот систем со дозволените три чекори со топка и комбинациите со промена на позиции и различни вкрстувања, овозможуваат поставување во поволна позиција за шут против 6:0 одбрана, но е нефункционален против 3:2:1 одбрана. Она што е добро како комбинација против 6:0 е неефикасно против 3:2:1.

Појаснување.

Кога играчот со топка ќе направи три чекори, тој / таа ја чува топката подолго време, а тоа пак овозможува избегнување на фаул, кога играчите од одбраната би реагирале од 6м. на 10м. Од друга страна движењето против 3:2:1 одбрана мора да биде многу поразлично. При ваква одбрана дефанзивните играчи веќе се поставени на 9-10м. и имаат можност да го прекинат движењето на напаѓачите во секое време. Против агресивна одбрана, напаѓачите неможат да направат три чекори со топка во рака, тоа не е реално можно, едноставно нема доволно простор за тоа. Исто така, доколку одбрамбениот играч е поставен на 10м. напаѓачот мора да направи нешто без топка, пред да дојде во контакт со одбраната. Против 3:2:1 одбрана, напаѓачот треба да е подготвен да ја прими топката во движење спрема голот и истовремено да ја додаде прецизно во еден или два чекори. Тоа значи дека топката може да биде задржана пократко, а тоа овозможува притисок врз одбраната која мора во многу пократко време да го пресретне напаѓачот кој ќе треба да го спречи. При ваквиот напад, играчот мора да биде подготвен за брзи и нагли промени на правецот на трчање (со или без топка). Ова е лесно да се каже, но играчите тешко го реализираат ваквиот начин на игра. За имплементација на ваквиот неопходен начин на напад, мора да бидат совладани некои нови технички елементи (одлично водење на топката со лева и со десна рака, некои нови финти и многу комбинации од истите). Ваквиот начин на напаѓање овозможува многу нови комбинации помеѓу напаѓачите. И сето ова за пократко време со топка во раце и со помалку време за изнаоѓање на вистинско решение. Ваквиот начин на напад бара „побрзо размислување“.

Пивотот против 3:2:1 одбрана тактички мора да игра значително поразлично во однос на играта против 6:0 одбрана. Тој/таа мора многу често да игра подалеку од 6м. заради потребата од офанзивен блок и двојно додавање со останатите напаѓачи. На ваков начин со неговото играње овозможено е длабинско напаѓање на одбраната (не само хоризонтално, туку и вертикално напаѓање спрема голот), што од своја страна претставува проблем за 3:2:1 одбраната. Може да се каже дека пивотот при ваква одбрана има улога на „четврт бек“.

Многу е јасно дека за секој дефанзивен систем мора да има соодветни офанзивни движења за подготовка на нападот, кои ќе овозможат тактичка предност. Тоа значи дека при тактичката подготовка на играчите, потребно е да се подготват соодветни движења за секој тип на одбрана. Во овој момент мора да бидат разработени соодветни движења за одговор на 6:0; 5:1; 3:2:1; 4:2; 4+2; 3:3 одбрана и пресинг. Со употреба на тактички правилни движења против соодветната одбрана, нападот може да го донесе посакуваниот резултат.

Нападот може да функционира само доколку одбраната направи грешка. Ако одбраната не направи грешка во текот на подготвителната фаза на нападот, сеуште ќе постои можност за играње на било кој напад (дефинирана акција) за соодветниот тип на одбрана. Но сега, тоа не е напад после неколку пасивни додавања, тоа е напад после тактички добри движења против соодветниот тип на одбрана со многу подобри шанси за наоѓање на добра позиција за шут. Ваквиот напад е подинамичен и во вакви услови досудувањето на пасивна игра не би требало да се очекува. Но нетреба да се заборави еден многу важен детал, ако, после добра подготовка на нападот, се игра било кој напад (дефинирана акција), тоа незначи дека нападот мора да заврши со шут. Доколку одбраната небиде надиграна, тогаш нападот ќе мора да продолжи со барање на поинаква опција. Нападот не е само едно дејство или една акција. Нападот нетреба и неможе да биде разбран како една подготовка и една акција. Добро осмислениот напад може да користи повеќе дефинирани акции, поврзани во тактички добри движења. Добриот напад ќе овозможи шут, тогаш кога одбраната ќе падне, а не после само една акција. Очигледно е дека ваквиот тип на напад е подолг од само една акција. Секако ова незначи дека треба да се биде против кратките и брзи напади, ова значи дека е невидентно подобро да се игараат подолги напади. Секој играч мора да знае да игра долго и активно, а тоа не е лесно. Секој што ќе научи да игра долго, лесно ќе може да игра кратко. Сепак онај кој може да игра само кратко нема да може може да игра долго, најверојатно заради недостаток на знаење, концентрација и физичка подготовка. Нападот на играчите кои единствено знаат да играат кратко, ќе се состои од само една акција.

Квалитетната анализа на офанзивниот тактички сегмент, неможе и несмее да се ограничива само на анализа на акциите. Статистичките методи и табели не се единствениот начин за донесување на точни заклучоци во ракометот. Добрата анализа значи откривање и дефинирање на подготвителниот сегмент на нападот. Нападот во ракометот заначи добра идеја, добра координација, високо ниво на техника, одлична физичка подготвеност и визија за надигрување на противникот. Ова неможе да биде објаснето преку броевте во табелите, тоа треба да биде направено внимателно и со употреба на сите методи и средства кои ги имаме на располагање. Едно од постоечките ефикасни решенија  е  „Ракометно студио“ , софтвер на АСК кој овозможува автономна анализа и креирање на поединечни вежби, ракометни полигони, ракометни напади, различни варијанти на одбрана и комплетни ракометни тренинзи.

Ракометно студио е софтвер кој овозможува мултимедијална обука и анализа на комплетен тренинг, цел натпревар или на поединачни напади, одбрамбени формации, дури и на поединечни движења на секој играч пооделно. 

Ракометно студио овозможува споредби и анализи во простор и време, истовремено подготвувајќи опции за реакција во одбрана или напад.

Ракометно студио е всушност и едукативно помагало, кое ќе ви овозможи да на најбрз начин ги претставите вашите идеи и замисли, со истовремено детално анализирање на противничките предности и недостатоци...

                                         

                                                                                                                     „Асоцијација за спортски консалтинг“

НАЗАД ...                                                                                                       Николче Костовски

     

  објавено

07.07.2016 

6 чудни појави кои се случуваат со вашето тело, додека трчате

 

Придобивките од аеробните активности како што се трчањето или возењето на точак се докажани. Но некои од придружните појави на трчањето, како на пример вкусот на крв во устата може да бидат погрешно разбрани како симптоми за некаков проблем.

Колку и да се чудни физиолошките реакции на телото при трчањето, тие најчесто нетреба да бидат причина за загриженост. Многу од нив се знаци дека сте го оптеретиле вашето тело, а други пак најверојатно се непријатности кои се јавуваат како резултат на прецизно детектирани нерегуларности од заштитните механизми на вашето тело.

 

Кашлица

Се случува при умерено трчање да се појави кашлица која трае неколку минути. Тоа е всушност бронхоконстрикција, односно тоа е функционална состојба која е слична на онаа кај луѓето со астма, но може да се појави кај секого. Бронхоконстрикцијата предизвикана од физичка активност може да се појави кога времетраењето и интензитетот на физичката активност ќе се подигнат на повисоко ниво во однос на она што вообичаено се практикувало. Малите мускули кои ја обложуваат внатрешност на градниот кош (и органите) се контрахираат и ја задржуваат таа состојба извесно време. Ова обично се случува после одреден дисконтинуитет во практикувањето на физичка активност, односно кога формата не е на потребното ниво.

Некои луѓе се генетски поподложни кон појавата на ваквата кашлица, исто така поголема е веројатноста дека таа ќе се појави ако се трча на пониска температура или ниско ниво на влажност. Така е заради тоа што дишните патишта мора да работат понапорно за да го навлажнат воздухот на неговиот пат кон белите дробови, заради што кај нив може да се јави дехидратација и иритација, а тоа пак води до нивна констрикција и појава на кашлица. Во вакви услови, носењето и дишењето низ шал, може да помогне.

 

Метален вкус

При напорно вежбање или трчање, можна е појава на метален вкус во грлото и устата. Тоа е всушност „пукање“ на дел од црвените крвни клетки, при што се ослободува железо заради што се појавува металниот вкус. Ова не е нешто заради што треба да бидете загрижени (ако тоа ви се случува секогаш или многу често, тогаш мора да го посетите вашиот лекар заради исклучување на некое пореметување или инфекција). 

 

Растечен нос

Многу е иритирачко кога при трчање, носот испушта се повеќе и повеќе од внатрешната содржина. Најчесто оваа појава е поинтензивна кога е постудено, но ринитисот предизвикан од физичка активност е честа појава кога се трча надвор и особено кога нивото на поленот, прашината и сувиот воздух е високо. 

Ова се јавува заради тоа што назалните патишта се иритирани, па се активира мукозната заштита.

Интересно е тоа што некои научници сметаат дека загадениот воздух, особено NO2 кој го има во издувните гасови на автомобилите, е веројатно главниот виновник за проблемот со растечениот нос при трчање надвор, а тоа го немате кога трчате во затворен простор на лента на пример.  

Ако носниот секрет е обилен и подолготраен, тогаш пожелна е консултација со лекар, во спротивно трчајте и дувајте, нема никаков проблем.

 

Нагон за дефекација

Ненадејниот и интензивен нагон за дефекација е вообичаен при трчање заради внатрешната мускулна механика која е интензивно стимулирана при трчањето, но оваа појава е честа и при возењето на велосипед, особено ако возењето е подолготрајно, заради тоа што вообичаено тогаш голема количина на крв поминува низ системот за варење.

Ваквата појава може донекаде да биде контролирана со користење на оризови плочки и банани наместо конзумирањето на концентрирани енергетски пијалоци или можеби стимулирање со само едно есспресо.  

 

Чудно чешање

Може да се случи да по само кратко трчање почувствувате неподнослив јадеж. Во некои случаи тоа е само сува кожа или природен одговор на загревањето (капиларите и артериите се прошируваат и ги стимулираат околните нерви). Но за некои луѓе тоа е всушност алергиска реакција позната како уртикарија предизвикана од физичка активност, која може да доведе до чешање, црвенило, осип, а во екстремни случаи и потешкотии при дишењето.

Ако симптомите се интензивни, посетете лекар од каде најверојатно ќе добиете епинефрин, кој е корисен но може да предизвика и непријатни нуспојави како вртоглавица, слабост и пореметување на срцевиот ритам.

Доколку чувствувате само јадеж, потрудетесе да ја одржите вашата кожа влажна, да се загревате постепено и секако да се почешате тогаш кога за тоа ќе почувствувате потреба. 

 

Заборавеност

Се случува, после подолга и понапорна физичка активност да неможете да се сетите каде сте го паркирале вашиот автомобил, или која боја е тој или дали воопшто сте дошле со автомобил. 

Ваквата заматеност се појавува заради екстремната истрошеност на гликогенот, што значи резервите за мозокот „пресушиле“. Во ваков случај најдобро е веднаш да се испие пијалок за опоравување.

                                                                                           

                                                                                             „Спортска Академија Феникс АМС“

                                                                                           ...програми за спортска рекреација..

                                                                                                          Николче Костовски

 

НАЗАД ...

 

  објавено

0.07.2016

 

 

НАЗАД ...                                                                                           

  објавено

0.07.2016

 

 

НАЗАД...                                                                                               


 

 

  објавено

0.07.2016

 

 

НАЗАД...                                                                                    

  објавено

0.07.2016

 

 

 НАЗАД ...                                                                                     

 

   

 објавено

0.07.2016

 

 

 

НАЗАД...                                            

shopify analytics ecommerce