Воспаление на Ахилова тетива - tendinitis

 

Ахиловата тетива е силна тетива која поврзува два важни мускули (gastrocnemius и soleus). При преголемо континуирано оптоварување обично се појавува воспаление на тетивата кое со тек на време може да биде услов за замена на дел од ткивото на тетивата со помалку еластично (сврзно) ткиво кое се создава со цел да ги санира оштетувањата од постојното воспаление на тетивата. Ако условите за појава на воспалението и понатаму продолжат да постојат, тогаш можно е напукнување или кинење на тетивата.

 

Симптоми на воспалението

 

Ваквото воспаление се карактеризира со тапа или остра болка по должината на тетивата, која обично завршува на петицата. Друг знак дека можеби имате тендинитис е ограничената еластичнот и подвижност на скочниот зглоб, црвенило и топлина над болното подрачје, насобири на сврзно ткиво по должината на тетивата или крцкање (триење на сврзното ткиво со тетивата) при движење на зглобот. 

 

Предизвикувачи на воспалението

 

Неправилното истегнување, наглото зголемување на растојанието или едноставно претренирањето, може да доведе до пренесување на оптеретувањето од мускулите врз Ахиловата тетива, а тоа предизвикува појава на воспаление. Несоодветните спортски обувки можат исто така да бидат причина за појава на воспаление. Неправилната техника на изведување на движењата (преголема ротација на стапалата и слично) е една од најчестите причини за појва на воспалението.

 

Превенција и третман на воспалението

 

Ако се појават знаци на воспаление најдобро би било да се прекине со физичката активност. Препорачливо е земање на аспирин или ибупрофен и ладење на регијата во текот на 15-20 минути, неколку пати на ден се до повлекување на воспалението. Самомасажата може да биде од помош, но со умерен интензитет и времетраење.

 

Кога ќе се повлечи отокот, добро би било да се започне со истегнување на мускулите во засегнатата регија. Не е препорачливо да се започне со трчање се додека не се изгуби болката при подигнување на прсти. Следно, започнете со прескоци на јаже па дури потоа постепено започнете со трчање. Би требало да се вратите на умерен трченинг во текот на шест до осум недели.

 

Ако состојбата не се подобри со самолекување во текот на првите две недели, тогаш би требало да се побара помош од лекар. Оперативниот зафат за отстранување на сврзното ткиво кое се насобрало на тетивата е последна опција и не е многу ефикасен начин на решавање на проблемот, заради тоа што често стимулира создавање на повеќе сврзно ткиво.

 

Добро би било да се обидете со: пливање, трчање во базен и возење на точак со мало оптеретување. Избегнувајте вежби со дополнителна тежина.

 

За да се спречи повторна појава на воспаление на Ахиловата тетива, неопходно е да се зајакнат мускулите на нозете и стапалата. (помош во креирањето на вежби кои ќе ви помогнат во превенирање и санирање на воспалението на Ахиловата тетива, можете да побарате тука).

 

Со нас е секогаш полесно!

Асоцијација за спортски консалтинг Феникс АМС

 

Дали навистина слабеењето е 80% правилна исхрана и 20% физичка активност?

Ако прогуглате, "Is diet or exercise more important for weight loss?" најверојатно ќе дојдете до една навидум произволна формула за слабеење: Таа е 80 % правилна исхрана и 20 % физичка активност. Но од каде е добиен 80/20 соодносот? Што навистина тоа значи?

 

Зошто јадењето е особено важно?

 

Клучот за губење на тежина е постигнувањето на негативен сооднос помеѓу внесот и излезот на калории, односно внесување на помалку калории во однос на калориите кои се согоруваат. За да се ослабне половина килограм (500 гр.), мора да се постигне калориски дефицит од 3500. Па ако се следи соодносот 80/20, тогаш преку физичка активност ќе треба да се согорат околу 750 калории, а дополнителни 3000 калории ќе треба да се намалат преку соодветен начин на исхрана. Тоа е вкупен дефицит на калории од 3750, во текот на една недела.

 

Еве еден пример, како би можело да изгледа тоа:

 

Губење на телесна тежина со 80 % соодветна исхрана и 20 % физичка активност

 

Ден од неделата               Согорени калории                    Согорени калории  

                                   преку физичка активност        преку соодветна исхрана

 

Понеделник                           250 калории                            600 калории

 

Вторник                                    0 калории                            600 калории

 

Среда                                    250 калории                            600 калории

 

Четврток                                  0 калории                             600 калории

 

Петок                                    250 калории                            600 калории

 

Вкупно                                 750 калории                            3000 калории

                                                                3750 калории

    за губење на ½ килограм телесна тежина, потребен е калориски дефицит од 3500

                                       АСОЦИЈАЦИЈА ЗА СПОРТСКИ КОНСАЛТИНГ

                                                              emacedonia.mk

 

Причината заради која избалансираниот начин на исхрана е толку поефикасен во однос на физичката активност е заради тоа што за постигнување на калориски дефицит од 500 до 700, неопходен е„ голем пакет“ на тренинг и физичка активност. Само за илустрација, за да се ослабне половина килограм, потребно е на пример трчање од околу девет до 14 километри неделно. Ова ниво на физичка активност е тешко или скоро невозможно за достигнување и одржување кај обичните луѓе, а посебно не без да се зголеми калорискиот внес.

 

Не е неопходно да се постигне прецизен сооднос 80/20 за да се намалат килограмите, но важно е да бидете фокусирани примарно кон избалансираниот начин на исхрана. Тежината може да се намали и без особена физичка активност, но не е можно да се намали тежината ако исраната е во неизбалансиран сооднос со физичката активност.

 

Зошто физичката активност е сепак од витално значење

 

Досега кажаното незначи дека секојдневната физичка активност од 30-60 минути треба да биде замента со едночасосвна подготовка на оброк.

 

Секако дека е многу полесно да се постигне 500 калориски дефицит преку исхраната во однос на физичката активност, но кога ќе се комбинира избалансираната исхрана со физичката активност, не е потребно да се прават некои драматични промени. На пример, наместо да се елиминираат 500 калории преку исфрлање на сите десерти од исхраната, добро би било да се согорат 250 калории преку физичка активност и потоа да се скратат уште 250 калории преку исфрлање да речеме на вечерниот десерт.

 

Комбинирањето на исхраната и физичката активност е препорачливо за секоја фаза од слабеењето. Добро би било да физичката активност биде комбинација од тренинг за сила и кардиоваскуларен тренинг, а не само кардио. На ваков начин, складираните масти ќе бидат користени како извор на енергија.

 

Треба да се има на ум дека телото се спротивставува на губењето на телесната тежина при намалување на количината на внесена храна, па може да се појави и состојба на непроменливост „плато“ во извесен период. Тоа е она што вообичаено се нарекува „гладувачки мод“ и се појавува кај сите кои успешно ги намалуваат килограмите.

При слабеењето вообичаено доаѓа до успорување на метаболизмот, но тој може да биде забрзан преку физичката активност, особено преку трнинг за сила.

 

На крај: Она што го јадете е поважно од она што го согорувате при физичка активност, но фитнесот ќе придонесе кон надминување на платото и постигнување на поставените цели. 

 

објавено

28.1.2019

shopify analytics ecommerce
НОВО

ЧИТАЈТЕ ЗА НАС

ФЕНИКС ТВ ... наскоро
ПРЕПОРАЧУВАМЕ ДА ПРОЧИТАТЕ

© 2018 ACK - SCA. All Rights Reserved

 КАЖЕТЕ ЗДРАВО