Колку физичка активност е потребна за да се заштитите од хронично заболување?

 

Според голем број на испитувања, постои силна поврзаност помеѓу физичката активност и зголемениот ризик од некои заболувања. Резултатите покажуваат дека мора да се движиме многу повеќе во однос на сегашните препораки.

 

Не е изненадување дека активниот животен стил може да обезбеди заштита од различни здравствени проблеми. Но, колку и каков тип на физичка активност е најдобра е сеуште предмет на несогласување. 

 

Анализата на резултатите од 174 истражувања кои ја обработувале поврзаноста на физичката активност со барем едно хронично заболување (рак на дојка, дијабет, срцеви заболувања и мозочен удар), покажала дека луѓето кои имале најмногу физичка активност во текот на неделата, имале најмал ризик од појава на некој од споменатите здравствени проблеми. Во случајов како физичка активност биле рангирани физичките активности кои произлегуваат од било која форма на движење, вклучувајќи ги тука вежбањето, работењето низ дома и во градина, пешачење и возење велосипед.

 

Но, додека Светска Здравстевна Организација (СЗО) во моментов препорачува минимален метаболен еквивалент (МЕТ) од 600 минути неделно на било каква дневна физичка активност, истражувањата покажуваат дека најзначително намалување на ризикот од заболувања се појавува при многу повисоки нивоа на физичка активност од околку 3000 до 4000 МЕТ минути неделно.

 

Очигледно е дека тоа е значителна разлика и изгледа тешко остварливо. Но, МЕТ минутите не се еквивалент на вистинските минути, тие претставуваат пресметка која го зема во предвид интензитетот на активноста. Трчањето (џогингот) има МЕТ вредност 7, додека шетањето на вашето куче има МЕТ вредност 3. Половина час трчање според ова е еднакво на 210 МЕТ минути (7х30), додека шетањето на кучето е (3х30) со вредност 90 МЕТ минути. 

 

Значи достигнувањето на 3000 МЕТ минути неделно е полесно од она што изгледа на прв поглед, особено ако ги земете во предвид различните типови на активност во вашето секојдневие. На пример, типичен ден може да вклучува искачување по скали од 10 минути, чистење на домот од 15 минути, пешачење до работа од 20 минути и возење на велосипед од 25 минути.

 

Со други зборови кажано, движење од еден до два часа секој ден е правилниот начин за намалување на ризикот од заболувања. Достигнувањето на 3000 до 4000 МЕТ минути може да изгледа претешко, но тоа лесно се достигнува ако се фокусирате на вкупната секојденевна активност.

 

Истражувањето анализира обсервациони резултати, а тоа значи дека неможе да докаже причинско последична поврзаност помеѓу физичката активност и подобрата здравствена состојба. Бидејќи ова истражување ги зело во предвид само вкупните МЕТ минути, не е во можност да прецизира дали постијат одредени предности при практикување на пократки и поинтензивни активности или пак предноста е при подолгата умерена физичка активност.

 

Сепак, резултатите имаат неколку сериозни импликации:

 

  • Прво,  препораките на СЗО за физичка активност треба да бидат повисоки за неколку пати, за да би можело да се добие поголемо намалување на опасноста од најчестите хронични заболувања, и
  • Второ, идните истражувања мора да обрнат особено внимание на вкупната неделна активност, а не само на физичката активност во слободното време.   

 

Со нас е секогаш полесно!

Асоцијација за спортски консалтинг Феникс АМС

 

Колку јајца може да јадете во текот на една недела?

Јајца на око, омлет, варено јајце и што ли уште не, ако јајцата се вашиот омилен оброк за почеток на денот, тогаш сигурно сте се запрашале колку јајца смеете да изедете во текот на една недела? 

 

За просечен човек, две јајца на ден е пристојна количина. Сосема е исправно да се изедат две јајца на ден, но ако ги сакате вашите јајца во комбинација со сирење, кашкавал, тогаш постои реална опасност од значително зголемување на внесот на сатурираните масти, а тоа секако не е препорачливо и корисно.

Пржењето на две јајца во малку маслиново масло со малку сол и пипер, во комбинација со зеленило и неколку парчиња леб е веројатно најпрепорачливиот начин на консумација.

 

Но ако сакате да го замените зеленилото (салатата) со неколку парчиња сирење, кашкавал или сланина, тогаш во вашето тело ќе внесете голема количина на калории и масти. Ако пак мислите дека преминувањето од цели јајца на само белки од јајцата ќе го намали калоричниот внес, при ваква комбинација тоа всушност и нема да овозможи никаква компензација.

 

Дел од нутритиентите кои се содржани во жолчката на јајцето неможе да ги најдете во белката. Сите витамини кои се растворливи во масти ги има во жолчката, па ако ја отстраните жолчката, тогаш точно е дека отстранувате масти, но истовремено отстранувате и голем дел од нутритивната вредност на јајцето. А тоа не е препорачливо ако сакате брз и здрав оброк.

 

Вкупната количина на јаца која можете да ја јадете зависи од останатиот начин на исхрана кој го практикувате. Едно големо јајце има околу 80 калории, пет грама маст и шест грама протеини. Па, ако со вашиот начин на исхрана внесувате доволно протеини и масти, тогаш јадењето на омлет од неколку јајца со кашкавал или сирење за појадок секој ден, не е препорачлив начин на избалансирана исхрана. Но, ако сте презафатени и во постојано движење и не сте сигурни кога ќе биде вашиот следен солиден оброк и внес на доволна количина на протеини, тогаш јадењето на неколку јајца за појадок е правилниот избор.

   

Повеќе во „Основни принципи на исхрана и правилна исхрана на спортисти“!

 

Со нас е секогаш полесно!

објавено

29.5.2019

shopify analytics ecommerce
НОВО

ЧИТАЈТЕ ЗА НАС

ФЕНИКС ТВ ... наскоро
ПРЕПОРАЧУВАМЕ ДА ПРОЧИТАТЕ

© 2018 ACK - SCA. All Rights Reserved

 КАЖЕТЕ ЗДРАВО